Posted in Article

My Journey in 2020

രണ്ടായിരത്തി ഇരുപതു ഈ വർഷം വരാൻ കാത്തിരുന്ന ഒരുപാട് പേരുടെ കൂട്ടത്തിലെ ഒരു അജ്ഞാത ഹതഭാഗ്യൻ ആണ് ഞാനും. എനിക്കീ മോഹം ഉള്ളിലേക്കു പകർന്നതു അന്തരിച്ച മുൻ രാഷ്‌ട്രപതി കലാം സാർ ആയിരുന്നു. അദ്ദേഹത്തിന്റെ വിഷൻ 2020 എന്നെ ഒരുപാട് സ്വപ്‌നങ്ങൾ കാണുവാൻ പ്രേരിപ്പിച്ച ഒന്നാണ്. അങ്ങനെ കാത്തു കാത്തിരുന്നു വന്നപ്പോ അത് ഒരു ഒന്ന് ഒന്നര വരവായി പോയി. എന്റെ ഒരു വർഷത്തെ പ്രവാസത്തിന്റെ സ്വപ്‌നങ്ങൾ തകർത്തെറിഞ്ഞു കൊണ്ടാണ് കൊറോണ എന്റെ ജീവിതത്തിലേക്ക് പെയ്തിറങ്ങിയത്. ഈ ഒരു വർഷത്തിലെ മൂന്ന് മാസം റൂമിൽ ഒറ്റയ്ക്ക് ഒരു ഏകാന്ത തടവുകാരനെ പോലെയും ബാക്കി ഇന്ന് വരെ എന്നിനി നാട്ടിലേക്ക് തിരികെ പോകണം എന്നുള്ള ആലോചനയിലും മുഴുകി തീർന്നു പോയി.

കഴിഞ്ഞ ഡിസംബറിൽ ആണ് കൊറോണ സംബന്ധിക്കുന്ന വാർത്തകൾ പത്ര സാമൂഹിക മാധ്യമങ്ങളിൽ പ്രചുര പ്രചാരം നേടി കൊറോണയുടെ അകന്ന ബന്ധുവെന്ന മട്ടിൽ പെട്ടെന്ന് പടർന്നങ്ങു പിടിക്കുന്നത്. ആ സമയങ്ങളിലും എന്റെ ചിന്ത അന്ത്രാക്‌സും എബോളയും വന്നിട്ട് ചന്തു തോറ്റില്ല പിന്നെയല്ലേ ഒരു കൊറോണ എന്ന അമിതാത്മ വിശ്വാസത്തിൽ മനസ്സ് മുഴുവൻ പൗർണമി നാളിൽ തുങ്കനാഥ് ക്ഷേത്ര സമീപം ഹിമ ശൃങ്ഗങ്ങളെ കണ്ടു പൂനിലാവാസ്വദിക്കുന്ന എന്റെ ഒരു വർഷത്തെ സ്വപ്നത്തെ പൂവണിയിക്കാനുള്ള പദ്ധതികൾ ആയിരുന്നു.

നാട്ടിലേക്കും തിരിച്ചുമുള്ള ടിക്കറ്റുകളും ഹരിദ്വാറിലേക്കും തിരിച്ചുമുള്ള ട്രെയിൻ ടിക്കറ്റും എല്ലാം ആ അമിതാത്മ വിശ്വാസത്തിൽ ബുക്ക് ചെയ്തു . ഏതാണ്ട് ഫെബ്രുവരി അവസാനം വരെയും ഞാനീ ഉറച്ച ആത്മ വിശ്വാസത്തിൽ ആയിരുന്നു. പക്ഷെ മാർച്ചയപ്പോഴേക്കും ചെറിയ തോതിൽ ശങ്ക വർധിച്ചു! പ്രധാനമന്ത്രി ജി ഉടനെ ദേശവാസിയോ പറയും എന്ന് അകത്തുന്നാരോ മന്ത്രിച്ചപ്പോ മാർച്ച് പാതി ക്കു തൊട്ടു മുന്നേ ട്രെയിൻ ടിക്കറ്റ്റ്സും വിമാന ടിക്കറ്റും ക്യാന്സല് ചെയ്തു കോപ്പി കത്തിച്ചു കളഞ്ഞു !!

കൃത്യം മാർച്ച് ഇരുപത്തിരണ്ടു ഞ്യാറാഴ്ച ആദ്യ പരീക്ഷണ ലോക്ക് ഡൌൺ സർദാർ നരേന്ദ്ര മോഡി അവർകൾ പ്രഖ്യാപിച്ചു തൊട്ടടുത്തന്നെ അനവരതം കാലത്തേക്കെന്ന മട്ടിൽ രാജ്യം മൊത്തം പൂട്ടിയിട്ടു !! ധാദോടെ എന്റെ ആ 2020 ലേക്കുള്ള എല്ലാ മോഹങ്ങളും സ്വപ്നങ്ങളും ഞാൻ ഭദ്രമായി 2021 ലേക്ക് ഫിക്സഡ് ടെപോസിറ്റ് ചെയ്തു !

ഇന്ത്യ അടച്ചു പൂട്ടി പിന്നെയും ദുഫായിൽ നേരം വെളുക്കാൻ കുറച്ചു ദിവസംകൂടി എടുത്തുവെങ്കിലും ഏപ്രിൽ ആദ്യവാരം ഇവിടെയും എല്ലാം അടച്ചു കുറ്റിയിട്ടു ! റൂം പാർട്ണർ ഡിസംബെറിൽ രാജി വെച്ച് പോയതിനാൽ റൂമിൽ ഒറ്റക്കായി ! ജൂൺ വരെ ഏകാന്ത വാസം, ലോകമെന്നത് ഇൻസ്റ്റയും വാട്സ് ആപ്പും പുസ്തകങ്ങളും പിന്നെ ഞാനും മാത്രം ആയി ചുരുങ്ങിയ ദിവസങ്ങൾ!! വിറ്റാമിന് ഡി ക്കുള്ള വെയിലു പോലും കൊള്ളാതെ ഉറക്കവും മേൽ പറഞ്ഞ കാര്യങ്ങളുമായി കഴിഞ്ഞു കൂടി !

ഇപ്പോൾ ക്രമേണ സംഗതികൾ എല്ലാം നോർമലിലേക്കു വന്നു തുടങ്ങി പക്ഷെ ഫിക്സഡ് ടെപോസിറ്റ് ഇട്ട സ്വപ്‌നങ്ങൾ “വീണിതലോ ധരണിയിൽ ക്ഷോണിതവുമണിഞ്ഞയ്യോ ശിവ ശിവ ” എന്ന മട്ടിൽ ഇപ്പോഴും ഇന്റർസ്റ് കൂട്ടി കൂട്ടി ഇരിക്കുന്നു ! രണ്ടായിരത്തി ഇരുപത്തിയൊന്നിൽ കലണ്ടർ മാത്രേ മാറു എന്നറിയാം എന്നാലും ഒരാശ എല്ലാം ഉടനെ ശെരിയാവും ! ഒഴുക്കിനൊത്തു നീന്താൻ പഠിപ്പിച്ച 2020 നന്ദി ! 2021 എന്താ സബ്ജെക്ട് എന്നറിയില്ല എളുപ്പമാവണെ എന്ന് പ്രാർത്ഥിക്കാം !

എല്ലാര്ക്കും പുതുവത്സരാശംസകൾ !
വിഷ്ണു കുനിശ്ശേരി

Posted in poem

ശിശിരം

പ്രണയത്തിന് വസന്ത ഹേമന്ത ശരത്കാല
ഋതുക്കളെല്ലാം കൊഴിഞ്ഞു പോയി !

തൂമഞ്ഞിനാൽ ശയ്യയൊരുക്കിയവൾ
നിദ്രയെ പൂക്കുവാൻ വെമ്പി നിന്നു !

തന്റെ പ്രിയനാം പുരുഷന്റെ പ്രണയ മർമ്മര –
ത്തിൻ നാദം ശ്രവിച്ചവനെയും പുണർന്നു തൻ
നിദ്രയെ പൂകി !

നവ വസന്തത്തിൽ വിരിയാൻ കാത്തുനിൽക്കു –
മൊരു നറു പുഞ്ചിരിയാ ചെഞ്ചൊടി
കോണിൽ അവളവനായി കാത്തു വെച്ചു !

വിഷ്ണു കെ വി

Posted in Haiku

അന്വേഷി

ഓരോ യാത്രയിലും ഞാൻ തിരഞ്ഞതത്രയും
എൻ ആത്മാവിനെ മാത്രമായിരുന്നു, അതെ-
ന്നിൽ തന്നെ ഉണ്ടായിരുന്നെന്നറിഞ്ഞത്
പക്ഷെ യാത്രയെല്ലാം തീർന്ന ശേഷമായിരുന്നു !

വിഷ്ണു കെ വി
17-11-2020

Posted in ചിന്ത

who is Buddha?

“ബുദ്ധം ശരണം ഗച്ഛാമി
ധർമ്മം ശരണം ഗച്ഛാമി
സംഘം ശരണം ഗച്ഛാമി”

For Me Buddha is not an idol, Person, God, Teacher nor any Messenger.

He does not offer me heaven or hell. He does not ask to be worshiped or thanked!

Then who is Buddha?

Buddha is a thought about the eternal love that exists everywhere, and will reveal it to everyone who hears their inner voice!

Yes , He is the the Eternal Love hidden with in me and every where !

-Vishnu KV

Posted in Uncategorized

മാസ്‌ക്

ഒരു കുഞ്ഞു മാസ്ക് കഥ !

എഴുത്ത്

ഇരമ്പിയെത്തുന്ന തിരമാലകളെ വരവേൽക്കുവാൻ പാഞ്ഞെടുക്കുന്ന ഒരായിരം പാദങ്ങൾ, ഇന്ന് അപ്രത്യക്ഷമാണെന്ന മുന്നറിയിപ്പുമായി ഊക്കോടെയെത്തിയ കാറ്റ്, പരിഭവിച്ചാവണം…തന്റെ സ്ഥിരം കുസൃതികളെ കവെർന്നെടുത്ത ഇത്തിരികുഞ്ഞൻ വൈറസ്സിനോടുള്ള വൈര്യം തീർക്കുന്നത് , ഇരുണ്ട വെളിച്ചത്തിലാണെങ്കിലും ഞാൻ കണ്ടു..
പ്രകൃതിയെ പകുത്തുതിന്നുന്ന ആർത്തിപൂണ്ട മനുഷ്യന്റെ സാമിപ്യം നന്നേ കുറഞ്ഞപ്പോൾ , അവക്കുണ്ടായ വീർപ്പുമുട്ടലുകൾ നമ്മോടുള്ള കറകളഞ്ഞ സ്നേഹമാണെന്നുറക്കെ വിളിച്ചുപറയുവാൻ, മനുഷ്യന്റെ കർണപടത്തിൽ മുഴങ്ങുന്ന സീൽകാരമായി പരിണമിക്കുന്ന മാത്രയിൽ എന്റെ ശബ്ദം ഉയർന്നില്ല…
ഹാ ഇനി എത്ര നാൾ, ഈ ദുരന്തമുഖത്തിൽ നിന്നും ഏറ്റുവാങ്ങേണ്ട ദുർഘടങ്ങൾ കഠിനം തന്നെ…
എന്നിരുന്നാലും ഞാൻ  സുരക്ഷിതനാണ്….എന്നെ പോലെ കുറച്ച്പേർ കൂടിയുണ്ട്…എല്ലാവർക്കും ഞങ്ങളെ മതിപ്പാണുതാനും….അതിനിടയിൽ വലിയൊരു കഥ തന്നെയുണ്ട്… ഒരു മാസ്‌ക് കഥ…

‘ഉണ്ണായി സർ കൊണ്ടു വന്നതാ വടക്കൂന്ന് നല്ല വിലപിടിപ്പുള്ള, മിനുസമുള്ളത്.. പക്ഷെ ഇതാരുമിപ്പോൾ ഉപയോഗികണ്ട..നശിപ്പിക്കാൻ ഞാൻ സമ്മതിക്കയില്ല..’

നെറുകയിൽ തിരുകിയ ഉപ്പിലിട്ട നെല്ലിക്ക ഉറിഞ്ചികൊണ്ട് കേശു അമ്മയെ ദയനീയമായി നോക്കി…
ദ്വാരങ്ങൾ അലങ്കാരമായി തോന്നിയ അയഞ്ഞുപോകുമായിരുന്ന വള്ളിനിക്കറിന് മുകളിൽ അവൾ പുതുതായി തയ്ച്ച ഉടുപ്പ് അണിയിപ്പിച്ചുകൊണ്ട് പറഞ്ഞു…

ഈ ആവശ്യവുമായി നിന്നെ പറഞ്ഞുവിട്ടത് ആരെന്നെനിക്ക് മനസിലായി… എന്റെ പൊന്നു മക്കളെ..രാത്രിയിൽ സ്വസ്ഥമായി ഉറങ്ങുവാൻ ഈ ചോർന്നലിക്കുന്ന , ദ്രവിച്ചുതുടങ്ങിയ ഭിത്തികളും.. ഇഴകൾ പൊട്ടി…കീറലുകൾ വന്ന വിരിപ്പും, മറ്റൊന്ന് വാങ്ങുവാനുള്ള ശേഷിയില്ലാത്തതുകൊണ്ടല്ലേ..ഈ അവസ്ഥയിലും’….

ദുഃഖഭാരം അവളുടെ കൈകളിലെ തഴമ്പിച്ച പാടുകളിന്മേൽ നിഴലിച്ച്കാണാമായിരുന്നു…
കണ്ണൻ ഓടിയെത്തി…

അമ്മേ മാളുചേച്ചി തന്നതാ… നെല്ലിക്ക… ലേശം കൈപ്പിണ്ട്…ഉപ്പുപിടിച്ചിട്ടില്ല…ദാ കഴിക്ക്..

ഉമ്മറക്കോലയിൽ  നിന്ന് അമ്മയുടെ ദൈന്യം…

View original post 149 more words

Posted in poem

കേരളപ്പിറവി

തെക്കു ദിക്കിലങ്ങു തിരുവിതാംകൂറായും
വടക്കു ദിക്കിലിങ്ങു മലബാറെന്ന് പേരായും
നടുക്ക് തിരുകൊച്ചിയെന്ന തിലകകുറിയായും
വിളങ്ങിയ ദേവഭൂമിയെല്ലാമിന്നൊന്നായി
തീർന്ന സുദിനം !

ആസേതു ഹിമാചലം വിശ്രുതമായി വിളങ്ങുമീ
ഭാരത ഭൂവിലെന്തിലും ഒന്നാമതായി തിളങ്ങാൻ
കേരളമെന്നോറ്റ ദേശമായി തീർന്നൊരീ സുദിനം !

കേരവും സഹ്യനുമാഴിയും മണ്ണിനെ പൊന്നാക്കി
പൊന്നാര്യൻ കൊയ്‌തൂട്ടി കർഷകനും,
അതിരിട്ടു കാത്തു രക്ഷിക്കുമെന് മാമല-
നാടിൻ ജന്മദിനം !

  • വിഷ്ണു കുനിശ്ശേരി വാക്കീൽ
Posted in Haiku

അഹം

കോപ താപങ്ങളൊഴിഞ്ഞൊരു ലോകം
കാണുവാൻ കൊതിച്ചു ഞാൻ !
എന്നാൽ മറന്നു ഞാൻ സ്നേഹത്തിൻ –
തിരി നാളമെന്നുള്ളിൽ കൊളുത്താൻ

Posted in Haiku

അർത്ഥം

ദേഹിതൻ അർത്ഥം തേടിയൊരു യാത്രയിലാണീ
ദേഹം! അതിനാരംഭമെവിടെനിന്നെന്നുമറിയില്ല !
ലക്ഷ്യ മതെങ്ങെന്നുമറിയില്ല ! കാലത്തിനൊ –
ത്തതു തുടരുന്നീ യാത്ര ഇന്നുമെന്നും !

KV.Vishnu

Posted in poem

യാത്ര

A Throwback selfie from Delhi int’l AP, After a long 12 day solo travel across Himalayas ♥️

ഏകാന്തതയിലെല്ലാം മറന്നൊന്നാഭിരമിക്കാൻ
അറിയാ മുഖങ്ങൾക്കു നടുവിൽ എനിക്കെന്നെ
സ്വയം നഷ്ടപ്പെടുത്താൻ ! ശേഷമെൻ –
ആത്മാവിനെ കണ്ടെത്താൻ !

എന്നിനി ഞാൻ തിരികെ യെൻ മനം
തേടുന്ന ദിക്കും തിരഞ്ഞി-
നിയുമൊരു യാത്ര പോകും?

KV.Vishnu